ادخل وقول رايك فى الحكايه دى

عدل سابقا من قبل في 15/1/2008, 2:49 am عدل 1 مرات

السلام عليكم
اللى امشى معاها متجوزهااش ..............جمله اترددت كتير اوى الايام دى.....انا مش عارفه ليه؟؟
الواد يقول مدام انا مشيت مع بنت تبقى البنت دى مينفعش اتجوزهاااا

علشان هيه مشيت معايا وخرجت واتفسحت معاها حبه .....وكمان كان ممكن تعمل كده مع حد غيرى...........؟؟

بذمتكوا مش فيه ناس كتير اوى بتقول كده........ولا ايه؟؟

طيب البنت اللى تمشي معاك عشان انتوا بتحبوا بعض يبقى هي وثقت فيك لو انت فكرت في كده يبقى انت مش اهل للثقة

لكن لو مشيت معاك تضيع وقت وخلاص يبقى فعلا دي متفكرش فيها طبعا

طب البنت دى اكيد انت تعرفها كويس

انت تضمن منين بقه ان البنت اللى هتخطبها او اللى هتتجوزها جواز صالونات مش تبقى عملت كده مع كتير غيرك؟؟؟؟؟؟؟

ممممممممممممم هو فعلا موضوع حساس

بس هقولك رايى وبصراحه هى ليه البنت من الاساس ترضى لنفسها الوضع ده

حتى لو بتحبه وهو بيموت فيها

الصح صح بيحبها يبقى يتقدم لها ولو شايف ان ظروفه متسمحش وقتها يصبر لما يكون نفسو

وممكن هنا اسال سؤال

وعاوزه رد صريح

الولد اللى بيمشى مع بنت لو شاف اخته بتمشى مع شاب بيحبها وهو عارف الشاب ده وواثق بردو من اخلاقو ايه هيكون

رد فعل الاخ مع الشاب ده؟ Question

اكيد هيغضب برضوا

مشكورة على ردك

لا موضوع جامد بجد....
عندي سؤال بسيط ....هو الولد ليه دايما هو لي عندو الصلاحية انو يعرف بنت واثنين وعشرة ويبقى دايما نظيف في عيون المجتمع ....اما البنت لو عرفت شب واحد بس وحتى لو كانت العلاقة لي بنهم علاقة بريئة وجدية ومحصلش نصيب بينهم لمشكلة بينهم او من الاهل او اي سبب فرق بنهم ...هنا البنت بقى مش كويسة ومعندهاش اخلاق بردو في عيون الناس والمجتمع ...ليه انا عاوزة افهم...

اديكى زى ما قولتى فى عيون المجتمع مجتمعنا كده وكلنا اتعودنا على كده ان الوالد يبقى فى اديه كل حاجه علشان كده انا دايما كان عندى امنيالت عبيطه انى كنت عايزه ابقى والد
دلوقتى فى مجتمعنا بقت كل حاجه بتقيد البنت وتفرض عليها قيود وتدى صلحيات للوالد والكل اتعود على كده والبنات بتسكت وتقول طيب وبس فا لازم نتعود على كده من غير ليه علشان لو حاولنا نغير مش هنقدر لانننا هنغير مجتمع بحاله مش شخص او اتنين

تحياااااااااتى

مرسي على ردك على سؤالي .....بس نسكت ليه ونخضع ليه زي منكون مذلولين ...ليه وعشان ايه يعني....عملنا ايه...

قولنا كتير وايه اللى نفع البنات كل شويه صوتها بيختفى اكتر واكتر
شويه بشويه مش هيبقى لينا حق فى حاجه خالص ده احنا علشان بنطالب بابسط الحقوق قيمين علينا الحد والبنات البنات
ده لما واحد بيكرمه ربنا ويتجوز واحده يقولها لا شغل مفيش مع ان المفروض الشغل ده ابسط حقوق ممكن يدهلها وبتبقى الاسباب مش مقنعه لما يمنعها من الشغل وغيرها وغيرها كتير

الموضوع ده المناقشه فى كتير

تحياتى ليكى ياقمر

شغل ايه وده مش ابسط حقوقك ولا حاجه الشغل معروف للراجل مش للست

الست او البنت مطلوب منها القاعده فى البيت مش الشغل

تقبلى مدخلتى

يعنى ايه معرؤوف للراجل مش للست قاعده ايه دى اللى بتقول كده واى قانون قال كده ان الشغل للراجل مش للست مفيش لا قانون ولا قاعده ولا حاجه قالت كده الا الرجاله اهو شوفت انتوا بتحرمونا من ابسط الحقوق ازى وفيها ايه يعنى لما نشتغل هتخرب الدنيا امال بدرس سنينى دى كلها ليه علشان اقعد فى البيت اقشر بصل واكنس الارض لا طبعا ليا حق انى اشتغل بل بالعكس دلوقتى الستات بقت فالحه عن الرجاله رجاله خايبين مش بيجبها الا ستتها يا ابنى
تقبلت مدخلتك ياريت انت تقبل راى

تحياااااااااتى

تختلف الاراء لكن القاعده موجوده ولا خلاف عليها

لما يكون الراجل اكتع مش عارف يصرف على بيتوا يبقى الست تشتغل

لما الراجل ميكفيش مراتو مصاريف تبقتى تشتغل الست

لما الست تعرف توفق بين الشغل والبيت يبقى تشتغل
بس من المعروف ان صاحب بالين كداب
وهى استحاله هتعرف توفق فى الحالاتين دول

القاعده انتوا اللى عملتوها لان عمر ما كان فى قانون ولا نص بيحرم ولا بيرفض عمل الست
مش شرط انها بتشتغل علشان تساعد جوزها ولا تصرف على البيت ولا علشان هوه مش قادر يشتغل انا مثلا بحب دراستى وحابه انى اشتغل فىمجال دراستى بعد التخرج يبجى هوه يقول لا يقيبقى حرمنى كده من حاجه انا بحبها يبقى رحام ده ولا حلال يابتاع القواعد ايها الرجل انت